--------------------
مناجات حضرت امام حسین (ع) ۴۴۹۳
متن نوحه —-> مناجات حضرت امام حسین (ع) ۴۴۹۳
مناجات حضرت امام حسین (علیه السلام)
حسین عرض إیلدی یارب تمام لشکریم گددی
فرات اوستونده غیرتلی امیر و دلبریم گددی
باتوبدور قانه بیر باخسون ابوالفضل علمداریم
ایکی قول بیر گوزون وردی تمام یاوریم گددی
باخورسان عرش اعلادن بلای کربلا بزمین
اورک قان اولدی ماتمدن یل آب آوریم گددی
ربابین حالینه بیر باخ نجه لای لای چالور اما
اولوبدور قانینه غلطان علی اصغریم گددی
الهی آتلار آلتیندا یاتوبدور شبه پیغمبر
بویاندی قانیلن یارب علی اکبریم گددی
نه غوغا ایلیوب قاسم قیامت اولدی میداندا
باخورسان نجمه نین حالین مَهِ صورتگریم گددی
صفای بزم عشاقه صفا وردیم ولی یارب
باخورسان قتلگاهیمده فروغ اختریم گددی
دوروبدور تلّین اوستونده حیالی زینبیم یارب
باخوبدور خنجر آلتیندا تمام پیکریم گددی
الهی ظلم اعدادن یانوبدور خیمه لر اما
اسارت ماجراسینده قوجالمیش خواهریم گددی
الهی غمچیلر دَیدی او جسم پاک و معصومه
باخورسان شام ویراندا او نازلی گوهریم گددی
جدا اوستونده قرآنی تلاوت إیلدیم اما
باخوبدور حضرت زهرا نجه بال و پریم گددی
شاعر: مرادی
منبع : گروه مجمع شعرا و مادحین
👉 https://sarmashg.ir/mag/?p=21279 🌐
————————
#⃣ #متن_نوحه
🔘 🔗 دیدن متن کامل