گوگلش کن

هر چیزی میخوایی اینجا هست به جای گوگل دست به کار شدیم

گوگلش کن

هر چیزی میخوایی اینجا هست به جای گوگل دست به کار شدیم

طبقه بندی موضوعی

۲۷۳ مطلب در شهریور ۱۳۹۸ ثبت شده است

  • ۰
  • ۰

💢 غزل ۴۹۶۶ 💢

--------------------

غزل ۴۹۶۶

متن نوحه    —->  غزل ۴۹۶۶

غزل
یاریمین هجرینده دلدن قطره قطره قان گیدر
قالموشام رفتاریدن من گردش دوران گیدر
عالم رویاده گورَّم چوخ گجه رخسارینی
صبح اولاندا خانهء صبری ایدر ویران گیدر
قوش کیمی چولقار ایییلتیم اولدوقوم کاشانه نی
قونشولار جانه گلر ناله سسیم هر یان گیدر
شهر عشقی چوخ دولاندیم تاپمادیم بیر دادرس
بیر گمانیم دردیمه خالق ایده درمان گیدر
فکره غرق اولّام گورر اغیاریلر ریشخند ایدر
قلبیمین قانی گوزومدن هر زمان هر آن گیدر
عاشقه معشوقی ناز ایلر بو رسم عشقدور
آردیجا عاشق دوشر معشوقه سی هریان گیدر
اوز یریمده تک قویوب ایتدی منی خانه نشین
احتضار حالینده قالّام سوگیلی جانان گیدر
تیر مژگانین کمان ابرو آتوب بو قلبیمی
خانهء زنبور مثلی ایلییَر شان شان گیدر
هر گلن دانلور بو عشق اوسته من بیچاره نی
مین شماتتله پوزار احوالیمی صوندان گیدر
بولمیوب بولمز بیری یعقوبی نون اسرارینی
کوی و برزنده دوشوب علت ندور حیران گیدر
شاعر : استاد یعقوبی
!!! لطفا با نام کانال مدح و مرثیه کپی کنید !!!

👉 https://sarmashg.ir/mag/?p=20807 🌐
————————
#⃣ #متن_نوحه

@sarmashg_channel


🔘 🔗 دیدن متن کامل

مشاهده مطلب در کانال

  • محمد حمزه
  • ۰
  • ۰

--------------------

خطیب کعبه ۴۹۶۷

متن نوحه    —->  خطیب کعبه ۴۹۶۷

خطیب کعبه
نوای شور دل یتدی حجازه بزم خلوتدن
سالوبدور نغمه داود شور انگیزی قیمتدن
حضوری خلوت انسی تاپوپ دیوانه واصل
وصال دلبری حاصل اولار عشّاقه خدمتدن
صفای عزت موجودی عاشق خفی لاده
اولوهیّت اولور پیدا دله لای الاهتدن
الاهت آشکار اولماز گزافه گوی سالوسه
فقط دیوانیه مقدوردور سنگین ریاضتدن
حقیقت منزلینده واقعیت واقع حقی
تجلاده دُر شهوار حق بحر طریقتدن
طریقت جاده پر افتخار فقر مولادور
فقیر شه غنی اولماز بجز راه شریعتدن
غلام شاه مردانم باشیمدا وار مرصّع تاج
تاپوبدور ریشهء فقریم قوا بحر رسالتدن
در میخانه ده حلقه بگوشم حلقه دربار
منی سسلندیرین تا سس گله دار الامامتدن
رحیق عشق مولادن سیه مست خراباتم
آلوبدور فطرس دل بال و پر جام ولایتدن
بسان سینه پروانهء واصل صفا تاپمیش
قلوب منکسر شمع طراز بزم وحدتدن
کونول آئینه سین تصقیل ایدوب خاکستر معنی’
بمعنا عشق معنی صورتاً صورتدی صورتدن
بلی عشق علی المرتضی حیدردی زهرائی
اودور عاشق یتر فیض حضوره قصد قربتدن
شه مرداندن پیمانهء سینه مصفادور
دل بی کینهء عاشق تجرّده فتوّتدن
عجب پیمانه دور پیمانه عشق ولایت، دل
چکوب شهپر چیخا تا اوج اوج عرش عزتدن
مرصّع تاج مدح سید ابرار فرقیمده
الیمده مشعل روشنگر میخانه مدحتدن
براق عشق زینبدن عروجی دل کمالینده
گچوب فیض مقدّسدن تفکر فیض رحمتدن
ورای فکرت اولدی پایه اولای اندیشه
نه چون چیخمیشدی دل اوج سپهر وهم و فکرتدن
دل بیداری، گرد مقدم، دلداریدن بینا
تاپوبدور قابلیت رویت عبّاسه هیبتدن
به نام حضرت سقّا سرا پا غرقه نورم
سقایت فیضنه یتدیم فیوضات سقایتدن
ویروب جام جهان بین ولائی حضرت عباس
حسیب با نصیب عاشق اولار جام بصیرتدن
سماعی دل سماع شبده ذکر ایلوردی یازهرا
یتوب امداد غیبی جانه خاتون قیامتدن
خطور خاطر هاجس اولوب اوضاع بیت الله
دل بیت الهی قان اولوب فکر عداوتدن
فضای مکه نی دوتموش سراپا ابر گستاخی
کسوفه مهر…

👉 https://sarmashg.ir/mag/?p=20806 🌐
————————
#⃣ #متن_نوحه

@sarmashg_channel


🔘 🔗 دیدن متن کامل

مشاهده مطلب در کانال

  • محمد حمزه
  • ۰
  • ۰

--------------------

زبانحال حضرت زینب کبری (س) در حال احتضار ۴۹۶۸

متن نوحه    —->  زبانحال حضرت زینب کبری (س) در حال احتضار ۴۹۶۸

زبانحال حضرت زینب کبری (سلام الله)در حال احتضارحسین وفالی باجون حال احتضاره دوشوبدرون سینه ده یورقون نفس شماره دوشوبمحبت عالمینی سیر ایدن وفالی مریددیار غمده گوزوندن ایراق فشاره دوشوبطریق عشقی پیاده گزوب قدم به قدمحسین دیه دیه آردینجا کوهساره دوشوباسیر حسنون اولوب مرغ روحیم ازلدناو گون بو گوزلریم اول نرکس خماره دوشوبقضا قدرله ویروب ال اله یازاندا یازیهامی بلا بو بلاکش دوشن مداره دوشوباو شام شوم که گوزده ایدوبدی گوندوزی شامدولاندی دوره او شهره یولوم دوباره دوشوباو گوهری که تراب ایچره ایلدیم مدفونمنیله ایندی اونون قبری همجواره دوشوبایله منور ایدوب تیره شامی خلق دیورسپهر مهر و وفادن یره ستاره دوشوبشمیم عشق و محبت مشام جانی دوتوبزبسکه بلبل غم دیده لاله زاره دوشوباو زینبی که یخوب کاخ ظلمی همتیلهشکسته حالیله شام ایچره گیر و داره دوشوبنفس گیدور داخی گلمور گوزوم قالوب یولدائولوم توزی عرق مرگیله عذاره دوشوبنه بیر نفر سنی حالیمدن ایلوری حالینه بیر کسین یولی عباس نامداره دوشوبدیه وفالی باجون غربت ائلده جان ویروریئوزوب قبیله دن ال حال انزجاره دوشوبگوزومده گوزلروون عکسین ائتمیشم ترسیمگوزوم ئولنده ده گورسونله عکس یاره دوشوبسنه باخان گوزومی آز قالور اجل یومسونکمند مرگیله اووچی پی شکاره دوشوبگوزومده گوزلریوین عکسین ایتمیشم ترسیمگوزوم اُلنده ده گورسونله عکس یاره‌ دوشوب

جمالون عکسینه قورخوم بودور چکه هالهایشقلی آی کیمی چون چشم اشکباره دوشوبسنه باخان گوزومی آز قالور اجل یومسونکمند مرگیله اوچی پیِ شکاره دوشوبکتاب عمرومی بیربیر ورق ورور گوگلومگوزی سنیله گچن دور روزگاره دوشوببلا چولونده گزور گلشن وفانی گورورستمله پرپر اولوب قانلی جویباره دوشوبنه گل نه غنچه هامی سرولر صنوبرلرسنوبدی قول بوداغی شاخه دن کناره دوشوبدوشوبدی بیر یانا شرمنده شیر شرزهء عشقبیر آیری یرده گلوپاره شیرخواره دوشوببویاندا عورت اوشاق وامحمّدا سسلنوراویاندا لشکر کین فکر تار و ماره دوشوبویرور غروریله سعداوغلی لشکره فرمانغریبه فرصت او گون قوم کین شعاره…

👉 https://sarmashg.ir/mag/?p=20805 🌐
————————
#⃣ #متن_نوحه

@sarmashg_channel


🔘 🔗 دیدن متن کامل

مشاهده مطلب در کانال

  • محمد حمزه
  • ۰
  • ۰

--------------------

زبانحال حضرت لیلا (س) ۴۹۶۹

متن نوحه    —->  زبانحال حضرت لیلا (س) ۴۹۶۹

زبانحال حضرت لیلا (سلام الله)
علی جداده باشون سیر ایدر بیابانی
سالوبدی آردیجا لیلای خانه ویرانی
شکنج زلفوه از بس که باغلانوب گوگلوم
اسیر زنگی کیمی گزدیرور بیابانی
معاملات محبتده نقد جان قویدوم
گتوردوم آخر اَله تار موی جانانی
نه سمته چکسله گلّم دالونجا سایه کیمین
اُمده بوشلامارام زلف عنبر افشانی
سنخ کجاوه، اوزوم خسته، یول خطرلی، گینه
طریق عشقی گزوب بوشلارام سر و جانی
سکینه زلفوه تای قیزلاری سالوب نظمه
نظامه سن سالالی طرّهء پریشانی
یازوبلا یوزده علی آدون اشک چشمیله
اوخولّا دلده ولی آیه فتحنانی
چکولّه سیره گلن قیزلاری تماشایه
نشان ویرولّه تجلّای نور یزدانی
باخان جمالیوه مدهوش اولور دوشور دلدن
سالور خیالینه سیناده پور عمرانی
دیولّه هر تلی مین یوسفه دگر بو باشین
پوزولّا رونق بازار ماه کنعانی
نه قانلی باش دیَسَن نیزه ده قیزیل گُل آچوب
گلور مشامه بو باشدان شمیم رضوانی
بو کاروانه باشون مشعل هدایتدی
اماندی سالما محاقه او ماه تابانی
اسنده یل، پوزلور نظمی عالمون، زلفون
دوتور صحاب کیمی روی مهر رخشانی
حریم حُسنوی طوف ایلینده اهل حرم
یانان اورکده آلشدورّام آه سوزانی
جرس فغانه گلر ناله مین نواسیندان
چخار اسیرلرین عرشه داد و افغانی
عراق دشتینی آهنگ غم دوتار، بلبل
نوا و شوریله ترک ایلیر گلستانی
سپاه سنگ دله نالم ایلمز تاثیر
بیر آزدا آرتوری ظلمون گروه سفیانی
یارالی باشیویله درد و دل ایدنده عدو
گُلندن آیری سالور عندلیب نالانی
نه قدری یالوارورام نیزه داریوه ویرمور
نهان ایدم دل ویراندا دُرّ ِ غلطانی
وُروبدی اصلی امیدیله چنگ دامنیوه
اورکده واردی چتین دردی سرّ ِ پنهانی
شاعر : حاج عبدالله اصلی
!!! لطفا با نام کانال مدح و مرثیه کپی کنید !!!

👉 https://sarmashg.ir/mag/?p=20804 🌐
————————
#⃣ #متن_نوحه

@sarmashg_channel


🔘 🔗 دیدن متن کامل

مشاهده مطلب در کانال

  • محمد حمزه
  • ۰
  • ۰

--------------------

احوالات خرابه شام ۴۹۷۰

متن نوحه    —->  احوالات خرابه شام ۴۹۷۰

احوالات خرابه شام
دوتدی فغان و شیون و غوغا خرابه نی
مسکن ایدنده عترت طاها خرابه نی
یاللعجب اوتانمادی بو چرخ کجمدار
زین العباد ایلدی مأوا خرابه نی
مهر و مهین شعاعینه علت اولان وحود
شام سیه ده ایلدی سکنا خرابه نی
انوار ساطع اولدی گویه تیره شامده
شأنینده غبطه ایتدی ثریّا خرابه نی
مینلر بهشتیدن سچه هر کیمسه کوریدور
ایتمز عوض بهشتیله بینا خرابه نی
هر چاره سیز مریضه بیری ایستسه علاج
بیر بیر نشان ویرلّه اطبّا خرابه نی
دارالشّفا تانور او یری تک نه شیعه لر
درمان بوللّه گبر و نصارا خرابه نی
احیای نفس ایدن نفسه ایتمز افتخار
سیرینده منزل ایلسه عیسا خرابه نی
زُنّاری گردنیندن آچوب ایلیر قبول
اسلامی، گورسه اهل کلیسا خرابه نی
موسایه طور اولوبدی اگر جلوه گاه عشق
سجّاد ایدوبدی سینهء سینا خرابه نی
بیر جلوهء نگاریله ضعف ایتمیوب، ایدوب
مینلر کلیمه طور تجلّی’ خرابه نی
تکبیر باشلینده او شب زنده دار عشق
خیل ملک ایدردی مصلّا خرابه نی
صف صف دوراردی پشت سرینده مقرّبین
هو حق سسی دوتاردی سراپا خرابه نی
قد قامت الصلاه دینده خضوعیله
ایلردی رشکِ مسجدالاقصا خرابه نی
الله اکبرین ایشیدن اکبر آختاروب
لیلایه ایتدی بیت غم افزا خرابه نی
سویلری هارداسان آنان اُلسون اوغول علی
حسرت سرشکیم ایلدی دریا خرابه نی
گزدیم دالونجا چوللری ویردی فلک مکان
آخر نشیمن ایلیه لیلا خرابه نی
آلدی سسین رقیّه نوائیله دولدوروب
اکبر آدیله مرغ خوش آوا خرابه نی
سویلردی رنجه قیل قدم ای شهریار حُسن
ایت نور حُسنویله مصفّا خرابه نی
بیرده گوروم او قامت رعنانی اُلممیش
رشک ایلسین بهشتیده طوبا خرابه نی
فخریله شامیانه سنی بیر نشان ویریم
ایلوم حدیث عشقده معنا خرابه نی
بولسونله وار نه عزّت و شأنی بو منزلون
دوتسونلا چوخ مقامیده والا خرابه نی
خاک قدوموی ایده لر طوطیای چشم
طوف ایلینده اهل تولّی’ خرابه…

👉 https://sarmashg.ir/mag/?p=20803 🌐
————————
#⃣ #متن_نوحه

@sarmashg_channel


🔘 🔗 دیدن متن کامل

مشاهده مطلب در کانال

  • محمد حمزه
  • ۰
  • ۰

--------------------

شمس هدایت ۴۹۷۱

متن نوحه    —->  شمس هدایت ۴۹۷۱

شمس هدایت
گوردیلر نطقه گلوب شمس هدایت نیزه ده
آیه آیه ایلیور قران تلاوت نیزه ده
چهره سیندن نور حق پیدا و ناپیدا ، رخین
ساکنان نُه فلک ایلور زیارت نیزه ده
محو اولور، هر کیم گورور اول جلوهء نور حقی
گورسنور دنیا بویی بس که ملاحت نیزه ده
عیسیِ عیسا قویویوب عیسانی حیران عشقینه
وصفه گلمز مطلقا اصلِ حکایت نیزه ده
حیرته معناده داود خوش الحانی سالوب
صوت و لحنی ایلیوب بر پا قیامت نیزه ده
واردی لحنینده ز بس شور و شعور عاشقی
گورسنور ذوق و صفای بی نهایت نیزه ده
ساقی خَمرِ الهی نرگس خماریله
تشنگان وصلینی ایلور سقایت نیزه ده
آشنا بی آشنا اولماز مقام سیریده
سیره سیر اهلی ویرور عز و جلالت نیزه ده
مسجد الاقصادی معراجه شهید مطلقه
بو نجه معراجیدی اولموش بدایت نیزه ده
افسرین باشدان آتوب جبرئیل چرخ چارده
الله الله حق ایدوب گور نه سکونت نیزه ده
زینبین احوالینه طوبی، که شوق و ذوقیله
ناقه ده باجی، ایدور قارداشی رفعت نیزه ده
شعشعات نیزیه مبهوت اولوب غملی رباب
ایلیور بیر اولدوزا عشقیله رویت نیزه ده
شقه شقه زلف اصغردن صبا خوشحال و زار
اهل عشقه بذل ایدور انوار نکهت نیزه ده
طبلهء عطاردور زلف شبیه احمدی
گو مشام لیلیه وار عطر جنت نیزه ده
نو عروسه شعشعات قاسمی انوار محض
وار تلاءلؤده عجب مشکات منّت نیزه ده
نیزه نین باشینده یوخدور بس ندن راس وزیر
شه وزیره ایلیور عشقین اشارت نیزه ده
بو فراز داریدن عیسایه در عهد (عتیق)
عیسیِ عیسا ویرور عیسایه غیرت نیزه ده
شاعر : استاد طهمورثی (عتیق)
!!! لطفا با نام کانال مدح و مرثیه کپی کنید !!!

👉 https://sarmashg.ir/mag/?p=20802 🌐
————————
#⃣ #متن_نوحه

@sarmashg_channel


🔘 🔗 دیدن متن کامل

مشاهده مطلب در کانال

  • محمد حمزه
  • ۰
  • ۰

--------------------

ورود به کربلا ۴۹۷۲

متن نوحه    —->  ورود به کربلا ۴۹۷۲

 ورود به کربلا 
سبک : صبحه کیمی تاب ایله اصغر
زینب بورا نینوادی
صحرای غم و بلادی
بوردا توکولر قانیمیز
باجی بورا کربلادی
خوش گلموسن کرب و بلایه
زینب دوشرسن مین بلایه
دچار اولارسان ابتلایه
باجی بویر کرب و بلادی
بوردا باجی چوخ دشمنلر
ظلمیله جفا ایله لّر
دنیادن اوتور اشقیا
ا… بولوری نیله لّر
اکبریمی شهید ایده لّر
زینب وجودون دوغریلّر
گولوب شمادت ایلیه لّر
باجی بویر کرب و بلادی 
عرشه اوجادار فریادی 
قارداشیم حسن اولادی
اشکیم یوزومه آخماقی
فکر ایتمه باجی بی جادی
قاسم دوشر بیر آیری درده
دوشنده صحنه ی نبرده
ایاقلانار وجودی یرده
باجی بویر کرب و بلادی
داغلاندی بو قلب زاریم
قانه باتاجاق انصاریم
آرخام ائلیم الدن گیدر
اوندا کی گیدر سرداریم
عبّاسیمی اوردا یخاللار
زینب گوزونه اوخ ووراللار
بو قلب زاریمی سیخاللار
باجی بویر کرب و بلادی
غملر دیلیمی داغلالّار
عرش،اهلی بیزه آغلالّار
بیرگون بو بلا دشتینده
سو یوللارینی باغلا لّار
عطش سسی گلر قولاقه
چتیندی تشنه لیق اوشاقه
ویرمزله سو بوردا قوناقه
باجی بویر کرب و بلادی 
باجی بو گروه کافِر
اوز ظلمون ایده لر ظاهر
بعضی گتیریبدور شمشیر
بعضی ایلیوب داش حاضر
مهمانی خوش یوخلالّا زینب
غم غصه می چوخلالّا زینب
ششماهه می اوخلالّا زینب
باجی بویر کرب و بلادی
سندن باجی آیریلاندا
صبر ایله غم هجراندا
چوخ حالیوی سنده پوزما
یالقیز قالارام میداندا
جسمیم قالار توپراقلار اوسته
سینم اولار زینب شکسته
یالوارما سن او شمر پَسته
باجی بویر کرب و بلادی 
گلمه باجی چوخ فریاده
بو قانه باتان صحراده
ال غارته آچسا دشمن
زینب اوزون اول آماده
خرگاهه اوت وورالّا زینب
بالالاری سویالّا زینب
چولدن چوله قووالّا زینب
باجی بویر کرب و بلادی 
«بیکَس» بو یانقلی گفتار
بول فاطمه قلبین داغلار
بیر بیتی قبول ایتسه لر
بسدی سوزووی تز قورتار
تلاش،ایله خلوصون اولسون
گوزونده دائم اشکون اولسون
آقان اوزی معینون…

👉 https://sarmashg.ir/mag/?p=20801 🌐
————————
#⃣ #متن_نوحه

@sarmashg_channel


🔘 🔗 دیدن متن کامل

مشاهده مطلب در کانال

  • محمد حمزه
  • ۰
  • ۰

--------------------

زبانحال حضرت رقیه (س) ۴۹۷۳

متن نوحه    —->  زبانحال حضرت رقیه (س) ۴۹۷۳

زبانحال حضرت رقیه (سلام الله)
تاپدیم دل شبده نه سعادت خانم عمه
ایتدوم بابامی بیرده زیارت خانم عمه
همتله یتیردیم الیمی دامن یاره
اولدی بو زیارت منه قسمت خانم عمه
عزت منه دیدار مجدد ایدوب افزون
گلموب اله چوخ ساده بو عزت خانم عمه
شاهدسن اوزون بیر نچه مدتدی که غمدن
من یاتمامشام بیر گیجه راحت خانم عمه
اما بو گجه بیر نچه دم هوشه که گتدیم
گوردوم یوخدا غملی حکایت خانم عمه
صحبت ایلدیم یاریله رویاده ، او صحبت
مقصودیمه چاتدردی نهایت خانم عمه
دولت منه بذل ایتدی کرم صاحبی آخر
بسدور ایکی دنیاده بو دولت خانم عمه
بو ساعتی بیر عمریدن افضل بولرم من
دنیایه برابردی بو ساعت خانم عمه
جنت آپارور رشکینی ویرانه مکانین
ویرانه اولوبدور منه جنت خانم عمه
قیمت قویا کیمدور که بو دیداره جهاندا
گنجینه عشقه هانی قیمت خانم عمه
خلوت ایلدیم یاریله ویرانه مکاندا
هیچ کیم منه تای ائتمدی خلوت خانم عمه
حسرت داغی چکمیشدی یانان قلبیمه هجران
دلدن منی سالمشدی او حسرت خانم عمه
آخر منی درک ائتدی نگاریم کرمیله
بسدور منه تنها بو عنایت خانم عمه
محنت بو یانان قلبیمی ایتمیشدی مسخر
اولدورمدی یاخشیدی او محنت خانم عمه
اولدورسه ولی ایندی اگر چه یری واردور
ویرانه ده بو غملی عبارت خانم عمه
خون دلیمی گوزیاشیما قاتدی دوباره
لبلرده اولان کاری جراحت خانم عمه
بو لبلره صدمه یتورن ال ایلیوبدور
بوسه گهیمه چوخلی جسارت خانم عمه
ویر بیرده اوپوم تشنه لبیندن سنی تاری
دوشمز اله بیرده بیله فرصت خانم عمه
نینیم که گوزوم دویموری باخدوخجا نگاره
وار بس گه نگاریمده لطافت خانم عمه
دوشدوقجا گوزوم شعشعه نور خدایه
جوشه گلوری دلده محبت خانم عمه
ای کاش نگهبانی گله رحمه ، دوباره
کوچ ایلمیه شمس هدایت خانم عمه
اولسم قویاسان قبره ، منیم قبریمین اوسته
قران اوخیا شاه ولایت خانم…

👉 https://sarmashg.ir/mag/?p=20800 🌐
————————
#⃣ #متن_نوحه

@sarmashg_channel


🔘 🔗 دیدن متن کامل

مشاهده مطلب در کانال

  • محمد حمزه
  • ۰
  • ۰

--------------------

آرزوی زیارت و عرض ارادت ۴۹۷۴

متن نوحه    —->  آرزوی زیارت و عرض ارادت ۴۹۷۴

آرزوی زیارت و عرض ارادت
ئوزی قاره شکسته بال و پرم
دیل آچاندان آدیوی سسلیرم
ای خانم فاطمه عزیزی حسین
وار باشیمدا گینه هوای حرم
زهرانون گوزل بالاسی
ای آقالارون آقاسی
گویلومه دوشوبدی چوخدان
ششگوشه حرم هواسی
مولا یا حسین ایله بیزه عنایت
زینبه خاطر بیر وقفه یاز زیارت
شور عشقون سالوب جهانه شرر
شب تاری ائدوبدی صبح و سحر
یا حسین بولمورم آدوندا نه وار
ذکر ائدنده آدیوی قلبیم اسر
ظلماته نور جلی سن
حجت لم یزلی سن
آتان حیدر کیمی مولا
اهل عالمه ولی سن
مولا یا حسین ایله بیزه عنایت
زینبه خاطر بیر وقفه یاز زیارت
نهضتون شور حشر ائدوب برپا
خون بها قانیوا حق یکتا
سو یانوندا سوسوز وئروبسن جان
ایندی جنّتده آغلیور زهرا
ای عشقه معنی و میزان
ائتمیسن عالمی حیران
ال چکدون مامَلکوندن
عالملر آدیوا قربان
مولا یا حسین ایله بیزه عنایت
زینبه خاطر بیر وقفه یاز زیارت
قویوب عشقین چوخ اثر عالمده
قره پرچملر اسر عالمده
بو حسین وای ناله سی قوزانسا
ریشه کفری کسر عالمده
بزم یاسوندا گزنده
سالموسان قلبی کمنده
یاتماز بو قاره علملر
نهضتون زنده دی زنده
مولا یا حسین ایله بیزه عنایت
زینبه خاطر بیر وقفه یاز زیارت
تیکمیشم منده گوز عنایتیوه
قائلم یا حسین ولایتیوه
گل ربابین بالاسی خاطرینه
اربعین یاز گلوم زیارتیوه
گزمیشم بزم ولاده
گوزوم وار کرب و بلاده
یول سالام قبریوه مولا
نجفدن پای پیاده
مولا یا حسین ایله بیزه عنایت
زینبه خاطر بیر وقفه یاز زیارت
ای اولان درد عالمینه دوا
بولوسن (بیکَسم) نظر قیل آقا
باخبرسن ئورکده کی سوزیمه
مین امیدیله گلمیشم قاپیوا
فخریمدور حسین چیم من
رخصت وئر آدون دیم من
محشرده منی اونوتما
قویما اوردا آغلیم من
مولا یا حسین ایله بیزه عنایت
زینبه خاطر بیر وقفه یاز زیارت

👉 https://sarmashg.ir/mag/?p=20799 🌐
————————
#⃣ #متن_نوحه

@sarmashg_channel


🔘 🔗 دیدن متن کامل

مشاهده مطلب در کانال

  • محمد حمزه
  • ۰
  • ۰

--------------------

در جلالت حضرت فاطمه زهرا (س) ۴۹۷۵

متن نوحه    —->  در جلالت حضرت فاطمه زهرا (س) ۴۹۷۵

در جلالت حضرت فاطمه زهرا (سلام الله)
گفتم بهشت اعلی گفتا که کوی زهرا
گفتم‌که روح دلها گفتا که بوی زهرا
گفتم‌ تجلّی حق گفتا سجود آور
گفتم کدام‌ قبله فرمود روی زهرا
گفتم که خوی مطلق گفتا که خوی احمد
گفتم که مظهرش کو گفتا که خوی زهرا
گفتم که فخر فخّار گفتا نبیّ مختار
گفتم که فخر مختار گفت آبروی زهرا
گفتم که حوض کوثر گفتا مهمّ ِ کشّاف
انهار آب کوثر آب وضوی زهرا
گفتم ز باغ اقدس گفتا به طور حیرت
گفتم چرا بگفتا در جستجوی زهرا
گفتم لیالی قدر گفتا وصال یاران
گفتم معانی لیل فرمود موی زهرا
گفتم وصال جانان گفتا نماز دائم
گفتم کجا بخوانم گفتا بسوی زهرا
گفتم ز چاک سینه گفتا بیا رفو کن
گفتم بهین رفوگر گفتا رفوی زهرا
گفتم که حال مطلق گفتا سیاه مستی
گفتم کدام باده گفت از سبوی زهرا
از طیّ الارض گفتم گفتا که یاعلی گو
گفتم علیّ اعلی فرمود شوی زهرا
گفتم علی علی هو گفتا علی علی حق
دیدم که هوی من شد ملحقّ هوی زهرا
شبگیر مست مستم من مرتضی پرستم
امشب نشسته ام زان در روبروی زهرا
گفتم که ای حریفان صلّ علی محمد
بر بزم ما خوش آمد ابنِ عموی زهرا
شاعر : استاد شبگیر
!!! لطفا با نام کانال مدح و مرثیه کپی کنید !!!

👉 https://sarmashg.ir/mag/?p=20798 🌐
————————
#⃣ #متن_نوحه

@sarmashg_channel


🔘 🔗 دیدن متن کامل

مشاهده مطلب در کانال

  • محمد حمزه