--------------------
در احوالات فرا رسیدن ماه محرم ۴۰۳۱
متن نوحه —-> در احوالات فرا رسیدن ماه محرم ۴۰۳۱
در احوالات فرا رسیدن ماه محرم
یانسون او قلبلر که بو ماتمده یانمادی
لازم دگل او گوزاشک توکوب آغلیانمادی
لال اولسون اول دلیکه حسینین عزاسینه
گلدی او شاه تشنه لبی اوخشیانمادی
شل اولسون اول الیکه دیدی نوحه نوحه خوان
کبر و غرور ایلدی سینه وورانمادی
امت یولوندا ویردی باشین شاه مشرقین
وای اول امته که عزاسین دوتانمادی
تا حشر اولونجا شیعه نی بو غصه یاندورور
زینب حسین النده گوزین باغلیانمادی
خنجر قویاندا حنجرینه شمر بی حیا
کلثوم باشی استه گلوب آغلیانمادی
خون گلوی اصغرشیرین زبان تک
آخدی فرات تشنه لیقی هیچ اینانمادی
گتدی او طفلی سو آلا سلطان کربلا
پیکانیله سو ویردی عدو چون اوتنمادی
ایتدی نشانه حرمله چون حلق پاکینی
تیر جفانی گورنجه اول دم دایانمادی
دوتدی او قانی آتدی گوگه سرورحجاز
بلمم او قانیله نیه گویلر بویانمادی
چوخ ظلم چرخ ایلدی آلعبا ایچون
لعنت بو روزگاره جفادن اوسانمادی
غرق اولدی بحر اشک بصرایچره روز و شب
(مظلوم) شرح محنت و دردین یازانمادی
شاعر : مرحوم مظلوم تبریزی
!!! لطفا با نام کانال گنجینه گذشتگان کپی کنید !!!
👉 https://sarmashg.ir/mag/?p=21745 🌐
————————
#⃣ #متن_نوحه
🔘 🔗 دیدن متن کامل