💢 غم گتدی قارداش قلبمی درده بو یرده 💢

--------------------

ورود حضرت سیدالشهدا به سرزمین کرب و بلا
.
✍️ زبده الاشعار ✍️
🆔: @nohe_torki
.
مرحوم صحاف تبریزی
.
غم گتدی قارداش قلبمی درده بو یرده
قربانوام وورما سرا پرده بو یرده
.
.
سولدی جمالون گل کیمی رنگون سارالدی
آهون اوجالدی عرشه بی پرده بو یرده
.
.
بلمم نه وار باشوندا بو صحراده قارداش
گوزدن توکورسن عارضه حسرتله قانیاش
بو حالوی گورموب ئولیدیم منده ای کاش
غم قویمادی طاقت اورکلرده بو یرده
.
.
قارداش آتام شیر خدانی دوت نظرده
برپا ایدردی خیمه گاهین عالی یرده
علت نه دور امر ایلوسن سن بو سفرده
وورسونلا خیمه بیر چوخور یرده بو یرده
.
.
ای محرم اسرار حق شاه فلک جاه
آه اُسته قارداش دمبدم چکدوقجه سن آه
قلبیم دوتار اود قیل منی بو سره آگاه
نه وار مگر آل پیمبرده بو یرده
.
.
باخدوقجا قارداش اکبره سن دیده گریان
لیلانون ائیلر غصه و غم باغرینی قان
گوزدن توکر قان یاش یوزه زلفی پریشان
اهل حرم قلبی گلور درده بو یرده
.
.
هر بیر آنا اوز اوغلونا ائیلر نظاره
قویماز گوزیندن گوزلری نورین کناره
ابر بهاران تک توکر اشکین عذاره
اؤز نوگلین گوردوقجه پژمرده بو یرده
.
.
غصه گلوگیر ایلیوب اصغر آناسین
آهسته آغلار گیزلدور شور و نواسین
بیر اوزگه عالمدور گورور دلسیز بالاسین
رنگی پریده گل تک افسرده بو یرده
.
.
عباسیمون وار باشدا بلمم نه قضاسی
گزدوقجه دور خیمه نی الده لواسی
دلدن گلور فریاده اوج ایلر نواسی
قالماز توان اول ماه منظرده بو یرده
.
.
پوزقونلوق آثاری نمایاندور یوزونده
موجه گلوب دریا کیمی اشگون گوزونده
اعلام ایدنده قتلیوی هر بیر سوزونده
قالماز قرار دل بو مضطرده بو یرده
.
#سبک_ای_درد_بی_درمانلارا_درمان_اباالفضل (بیش از ۱۰ سبک با اضافه کردن واگیرهای مناسب)
http://zobdatolashaar.ir/wp-content/uploads/2019/06/سبک-ای-درد-بی-درمانلارا-…-ای-شیعه-بو-غمده-گلون-شور-و-نوایه.mp3
.
#ورود_کربلا
#غم_گتدی_قارداش_قلبیمی_درده_بو_یرده
#صحاف_تبریزی
#ترکی
.
✍️ #زبدهالاشعار ✍️
🆔: @nohe_torki