--------------------
زبانحال حضرت موسی بن جعفر (ع) و گریز به قتلگاه ۴۸۲
متن نوحه —-> زبانحال حضرت موسی بن جعفر (ع) و گریز به قتلگاه ۴۸۲
باب الحوائج حضرت موسی ابن جعفر (علیه السلام)
و گریز به قتلگاه
بارالها تنگ اولوب زندان منه
حبسده بیر ایل کچور هر آن منه
موسی جعفر ابا ابراهیمم
یاخشی ئوز گوسترمدی دوران منه
صادقم صادق امامون اوغلیام
عبد صالحدور گوزل عنوان منه
اولدوم اول گونکه امام کاینات
یتدی سندن رتبۀ شایان منه
شاهد عادل ئوزونسن حالمه
استراحت اولمیوب امکان منه
ایستدوم سندن ئوزوم خلوت مکان
فیض سجده تا اولا ارزان منه
عرضیمی ائتدون خداوندا قبول
خوان لطفوندن یتوب احسان منه
سلسله جاندان سالوب چارم ندور
دورماقیم یردن دگول آسان منه
نچه ایلدور گردنیمده سلسله
مونسیمدور اولموش آویزان منه
بصره ده زنداندا قالدوم مدتی
اوردا خوش کچدی گونوم بوردان منه
فضل زندانبانیمیدی روز و شب
ائتمیوردی سند تک طغیان منه
هانسی ظلمی ائتمیشم هارونه من
تیره محبسده ائدور جبران منه
آدیمی قویدی منیم اخلالگر
قورخمادی سندن دئدی بهتان منه
خانواده م بیلمیور من هاردیام
منتظردور بیر بُلوک طفلان منه
ناگرانم چوخ قزیم معصومه دن
سخت اولوبدی عالم هجران منه
نامه یازمور نیلسون اوغلوم رضا
نامه یازسا یولّاسون هاردان منه
چاره ساز الله ئوزون بیر چاره قیل
ال تاپوب درّندۀ خوانسان منه
محبسه هر ئوقت گلور توهین ائدور
دشمن جاندور بو زندانبان منه
تنگ یرده تنگه گلدوم نیلیوم
حکم ایله گلسون اجل الان منه
اولمیوم سندیله بیرده رو برو
آچماسون قمچی او بی ایمان منه
زهرلی خرمانی جبریله وئروب
قویمیوب قالسون او ظالم جان منه
ای قلم کرب و بلایه چک سوزی
یوز ویروبدور حالت افغان منه
مقتله دوشمشدو شاه نینوا
هیچ دیموردی ارحم ای سبحان منه
سسلنوردی یا غفور و یا رحیم
خیمه‌لردن خوشدی بو میدان منه
نوح عشقم قالمشام طوفاندا من
ذرّه تأثیر ایلمز طوفان منه
گلشن اولدی جدّیمه نمرود اودی
اود توکور خورشید نورافشان…
👉 https://sarmashg.ir/mag/?p=25348 🌐
————————
#⃣ #متن_نوحه
🔘 🔗 دیدن متن کامل
- ۹۸/۰۶/۰۲