💢 اورگیم آلیشدی ناره بویانوبدی قانه قاسم 💢

--------------------

زبانحال امام حسین (ع) به حضرت زینب (س) در شهادت حضرت قاسم (ع)
.
✍️ زبده الاشعار ✍️
🆔: @nohe_torki
.
کربلایی زهیر میری زنجانی
.
اورگیم آلیشدی ناره بویانوبدی قانه قاسم
باجی چک خیامه قاره بویانوبدی قانه قاسم
.
.
بو بلالی چولده باجی بیزه ظلم ایدوبدی اعدا
سو یولوندا تشنه قاسم قانا باتدی بی محابا
منی قارداشیم حسندن خجل ایتدی روز عقبا
نه دیوم وفالی یاره بویانوبدی قانه قاسم
.
.
بیزه عرصه نی بو لشگر نجه گور که تنگ ائدیبلر
بو یارالی سینم اوسته یارا اشقیا چکیلر
نجه گور باجی الیمدن بالالار بوگون گیدیلر
یارام اوسته دگدی یاره بویانوبدی قانه قاسم
.
.
بیلورم سریه آغلور باجی جان حرمده الان
اونا دی علی و قاسم باباما اولوبلا مهمان
اولارین غمینده قاره گیینوبدی کون و امکان
کسیلوبدی راه چاره بویانوبدی قانه قاسم
.
.
بو اون اوچ یاشیندا سرباز شرفیدی پادگانه
جدله گیدوب زره سیز خطر اولدی دشمنانه
یورولوب ووروبدی دشمن بویانوبدی جسمی قانه
چکوری دلیم شراره بویانوبدی قانه قاسم
.
.
باشی اوستونه یتیشدوم لحظات آخرینده
ایلدوم نظاره گوردوم یارالاری پیکرینده
ولی اشک شوق جنت ووروب حلقه گوزلرینده
چاتوری وصال یاره بویانوبدی قانه قاسم
.
.
بو غمی چکوبدی نظمه اوزی ((میری)) دیده گریان
اورگینده واردی مهر علی گورسنور نمایان
اونا ایستورم خدادن اولا کربلایه مهمان
توکه اشکینی عذاره بویانوبدی قانه قاسم
.
.
#سبک_سو_یوخومدی_قزلاروندان (بیش از ۵ سبک)
http://zobdatolashaar.ir/wp-content/uploads/2019/06/سبک-سو-یوخومدی-قزلاروندان-بیلوسن-خجالتم-من.mp3 .
.
#قاسمیه_شهادت
#اورگیم_آلیشدی_ناره_بویانوبدی_قانه_قاسم
#میری_زنجانی
#ترکی
.
✍️ #زبدهالاشعار ✍️
🆔: @nohe_torki