💢 قوپدی طوفان بلا کرببلادن بو گئجه 💢

--------------------

شب عاشورا
.
✍️ زبده الاشعار ✍️
🆔: @nohe_torki
.
مرحوم شاکی خوئی
.
قوپدی طوفان بلا کرببلادن بو گئجه
مهلت آلدی شه دین قوم دغادن بو گئجه
.
.
بو گئجه لرزه ایدوب آغلادی نه طاق سما
بو گئجه جمله ملائک ایلدی شور و نوا
عالمی غم بوریوب تیره و تار اولدی هوا
شور حشر اولدی عیان دشت بلادن بو گئجه
.
.
بو گئجه آلِ عبا ایلدی چوخ شیون و شین
کل مخلوق جهان اولدولا بو حاله غمین
بو گئجه خالقه چوخ راز و نیاز ایتدی حسین
دولدی صحرای بلا ذکر دعادن بو گئجه
.
.
بو گئجه درد و مصیبت غمی چوخ جوش ایلدی
حق پیغمبری اشرار فراموش ایلدی
جمله ذی روح فراتین سویونی نوش ایلدی
العطش ناله سی قوپدی اسرادن بو گئجه
.
.
بو گئجه زینبی احضار ایلدی شاه زمن
دیدی دور بیچ شهدا بوینونا ای باجی کفن
بئلیوی باغلا اسیر اولماقا محکم داخی سن
آغلا صبر ایسته باجی باب خدادن بو گئجه
.
.
گور دویونجا باجی جان جمله برادر لریوی
اکبر و قاسم و عباس همی ائللریوی
صرصر جور و جفا سولدوراجاق گوللریوی
باری مهلتدی بیزه اهل جفادن بو گئجه
.
.
بو گئجه هر بیر ایشی ایله مهیا باجی جان
صبح اولاندا اوزولر ظلمیله بو رشته جان
سنده حضاریله #شاکی بو گئجه ایله فغان
آغلیان خوف ایلمز روز جزادن بو گئجه
.
#سبک_یارالی_جان_یارالی (بیش از ۴ سبک شامل سبکهای کربلا منتظر ماست (با واگیر) … شهریاریمسن آقا …. )
http://zobdatolashaar.ir/wp-content/uploads/2019/06/سبک-یارالی-جان-یارالی-۴-سبک-.mp3 .
#شب_عاشورا
#قوپدی_طوفان_بلا_کرببلادن_بو_گئجه
#شاکی_خویی
#ترکی
.
✍️ #زبدهالاشعار ✍️
🆔: @nohe_torki