--------------------
طفلان حضرت مسلم علیهم السلام
.
✍️ زبده الاشعار ✍️
🆔: @nohe_torki
.
مرحوم شهاب تبریزی
.
حارث ئولدورمه غریبوخ وطن آواره سیوخ
آهویِ جینِ بلایوخ، خُتن آواره سیوخ
.
.
دامه سالمشدی نه مدّتدی که صیّاد ستم
آچیلوب باب امید اولدی نمایان ره رم
سنده باخ بو سارالان رنگیمیزه ایله کرم
حارث ئولدورمه غریبوخ وطن آواره سیوخ
.
.
اَریدوب گوشه ی زنداندا غُل و کنده بیزی
رحم ایدر هر نجه کافر گوره بو گونده بیزی
رحم قیل ابن زیاده گَل آپار زنده بیزی
حارث ئولدورمه غریبوخ وطن آواره سیوخ
.
.
سن خلاص ایتسن اگر یثربه بیر باش گیدروخ
توکَروخ هر گئجه گوندوز یوزه قانیاش گیدروخ
یول یوزین اَل اَله ویرّوخ ایکی قارداش گیدروخ
حارث ئولدورمه غریبوخ وطن آواره سیوخ
.
.
بیز سنون راییوه گیرم که مسلمان دگلوخ
نور هردو بصر مسلّم نالان دگلوخ
ئولدورورسن بیزی آیا سنه مهمان دگلوخ
حارث ئولدورمه غریبوخ وطن آواره سیوخ
.
.
شک یوخدور بو حدیثه که پیمبر بویوروب
اَکرِمو الضَّیف ولو کیم اولا کافر بویوروب
بو قَدَر ظلم و ستم هاردا او سرور بویوروب
حارث ئولدورمه غریبوخ وطن آواره سیوخ
.
.
مال دنیادن اوتور ایتمه گونی قارده بیزی
کَس قرا زلفیمیزی، چَک گیله بازاره بیزی
سات گیلن غول یرینه درهم و دیناره بیزی
حارث ئولدورمه غریبوخ وطن آواره سیوخ
.
.
نه روادور بو قَدَر درد و غم و محنتیلن
ئولدورورسن بیزی ناحق یره بو ذلّتیلن
جان ویراخ غربت آرا اولما رضا حسرتیلن
حارث ئولدورمه غریبوخ وطن آواره سیوخ
.
.
بو ولایتده غریبوخ بُلوسن یوخ کسیمیز
نه پناه و نه امید و نه داد رسیمیز
آتا مرگی آنا هجری اولور آخِر بَسیمیز
حارث ئولدورمه غریبوخ وطن آواره سیوخ
.
.
ایسته سن نامه ی اعمالیوه یازسونلا ثواب
مجلس غمده بو شهزاده لره آغلا شهاب
غم یمه بو سوزی محشر گونی ایللّر حساب
حارث ئولدورمه غریبوخ وطن آواره سیوخ…
👉 https://sarmashg.ir/mag/?p=27567 🌐
————————
#⃣ #اشعار_و_مدایح #زبده_الاشعار
🔘 🔗 دیدن متن کامل
- ۹۸/۰۶/۰۳