💢 بو گیجه سن بیزی مهمان ایله باخ حالیمیزه 💢

--------------------

زبانحال پسران جناب مسلم به عیال حارث
.
✍️زبده الاشعار✍️
🆔: @nohe_torki
.
مرحوم حقیر خوئی
.
بو گیجه سن بیزی مهمان ایله باخ حالیمیزه
گیجه گوندوز یاناجاقسان یانان اقبالیمیزه
آتامیز یوخدی سن آغلا بیزیم احوالیمیزه
.
.
گوز تیکوب یولارا ایمدی آنامیز حسرتیله
دیر اوغلانلاریم آخر گله جک عزتیله
اوزینی ئولدوری گورسه بیزی بو حالتیله
گیجه گوندوز یاناجاقسان بیزیم احوالیمیزه
.
.
چوخ دولاندوخ گیجه دن ایمدیه تک سرگردان
کسیلوب طاقتیمیز یوخدی داخی تاب و توان
نیداخ احوالیمیزه بیرجه نفر یوخدی یانان
گیجه گوندوز یاناجاقسان بیزیم احوالیمیزه
.
.
نچه مدتدی که سالمشدیلا زندانه بیزی
گورموسن که اریدوب مسکن ویرانه بیزی
آناسیزلیق غمی آخر گتوروب جانه بیزی
گیجه گوندوز یاناجاقسان بیزیم احوالیمیزه
.
.
بیزی مهمان ایله سن گرچه سنه زحمت اولور
اَمنِدَه یاتسا مسافر گیجه نی راحت اولور
دیمروخ بلکه بو راحت لقمیز غفلت اولور
گیجه گوندوز یاناجاقسان بیزیم احوالیمیزه
.
.
آنالار تک اوزیوه فرض ایله اولاد بیزی
آختارور قوش کیمی صید ایتمگه صیاد بیزی
تشنه دی قانیمیزه ئولدوری جلاد بیزی
گیجه گوندوز یاناجاقسان بیزیم احوالیمیزه
.
.
یازوب اقبالیمیزه دست قضا روز ازل
بلوروخ درک ایده جکدی بیزی غربتده اجل
ولی بیر زحمتیمیز وار سن اونا ایله عمل
گیجه گوندوز یاناجاقسان بیزیم احوالیمیزه
.
.
قرمزی قانیله رنگین ایده سن جامه میزی
قویماقانه باتا اکبر کیمی عمّامه میزی
ممکن اولسا آنایه گوندره سن نامه میزی
گیجه گوندوز یاناجاقسان بیزیم احوالیمیزی
.
.
بیز ئولنده آنالار تک کسه سن یانیمیزی
کسه سن قانه باتان زلف پریشانیمیزی
بیرده گوندر آناما کاکل الوانیمیزی
گیجه گوندوز یاناجاقسان بیزیم احوالیمیزه
.
.
#سبک_یارالی_جان_یارالی (بیش از ۴ سبک شامل سبکهای کربلا منتظر ماست … شهریاریمسن آقا …. )
http://zobdatolashaar.ir/wp-content/uploads/2019/06/سبک-یارالی-جان-یارالی-۴-سبک-.mp3 .
.
#طفلان_مسلم
#بو_گیجه_سن_بیزی_مهمان_ایله_باخ_حالیمیزه
#حقیر_خویی
#ترکی
.
✍️ #زبدهالاشعار ✍️
🆔: @nohe_torki