💢 زینبین زلفی بویاندی قانا یا فاطمه گل 💢

--------------------

زبانحال حضرت زینب (س) در ظهر عاشورا
.
✍️ زبده الاشعار ✍️
🆔: @nohe_torki
.
شاعر ؟؟؟
.
زینبین زلفی بویاندی قانا یا فاطمه گل
گیتدی قارداشلاریم الدن آنا یا فاطمه گل
.
.
آلوب عباسیمی الدن آناجان قوم دنی
یخلوب نحر فرات اوسته او قولسوز بدنی
بیر حسینوم قالوری سسلورم امداده سنی
قالمیوب یاریله یاور بونا یا فاطمه گل
.
.
زینبین صبرینی گل گور نجه بو غملر آلوب
قان توکنلر گولووی آیری بیر احواله سالوب
یوخدی داده یته نیم قارداشیم اللرده قالوب
یارالار جسمیده گلمیر سانا یا فاطمه گل
.
.
یارالار گوزگوز اولوب هر بیریسی قان ویروری
بیر منیم بیرده حسینیم بو قشون سان ویروری
خیمله لرده گوزی تپراقدا یوزی جان ویروری
قاچورام خیمیه گه میدانا یا فاطمه گل
.
.
آناجان گل بو چوخور یرده اورک داغلاماقا
جان حسین ایوای حسین دلده یانوب آغلاماقا
اشگیله قارداشیمون یاره لرین باغلاماقا
زینبون چاتمور الی بیر یانا یا فاطمه گل
.
.
نه قالوب قارداشی نه اوغلی نه قارداش بالاسی
بیر قالور قارداشیمون خیمه ده ناخوش بالاسی
بولورم دوزمز آنا گورسه ویرور باش بالاسی
بیر نفر یوخدی سنون تک یانا یا فاطمه گل
.
.
خیمه لردن نگرانم که گوزتلیر بالالار
بولموری قارداشیمون حالین اوغولسوز آنالار
بولمورم نیلیوم ایستور آنا مرحم یارالار
قالمیشام واله وحیران بونا یا فاطمه گل
.
.
شمر عریان ایلیوب خنجری قان قان دیوری
وای حسین ایوای حسین قانلی بو میدان دیوری
گیت باجی خیمه لره حجت یزدان دیوری
امر ایدور گیت منه سسلور آنا یا فاطمه گل
.
.
گل بو هجران اودونا هر ایکیمیزده آلیشاق
آلماقا قارداشیمی شمرین الیندن چالیشاق
یتیشور باشه بو عاشورا گیجه میزدن دانیشاق
دوتاجاق اوغلونا یاس هر آنا یا فاطمه گل
.
#سبک_یارالی_جان_یارالی (بیش از ۴ سبک شامل سبکهای کربلا منتظر ماست … شهریاریمسن آقا …. )
http://zobdatolashaar.ir/wp-content/uploads/2019/06/سبک-یارالی-جان-یارالی-۴-سبک-.mp3 .
#غارت_خیام
#زینبین_زلفی_بویاندی_قانا_یا_فاطمه_گل
#لاادری
#ترکی
.
✍️ #زبدهالاشعار ✍️
🆔: @nohe_torki