--------------------
احوالات دفن حضرت فاطمه زهرا (س) ۵۱
متن نوحه —-> احوالات دفن حضرت فاطمه زهرا (س) ۵۱
دفن حضرت فاطمه زهرا (سلام الله)
آغلادی یاندی قویاندا قبره زهرا پیکرین
چولقادی گویا حریر ابره ماه انورین
یا خزان اوراقنه تاپشوردی گلبرگ ترین
نقش ایدوب تمثالنی آئینه ادراکده
روحنون عکسین سپس دفن ایتدی تیره خاکده
گوردی دردی چوخدی، کیمسه یوخ ولی اظهارنه
لاجرم لازم بولوب اظهار ایده دلدارنه
یار، خوشدی دردین فاش ایده اوز یارینه
آشنای درد اولانماز درددن بیگانه لر
راز شمعی درک ایدن اولماز، مگر پروانه لر
سینه تنگیشدی، دوشوب حلال مشکل مشکله
تیره شبده، دل آچیب دلداریله درد دله
سویلدی ای عشقی راه عمره زاد و راحله
تپه و ماهوردور، بو رهگذر باشدان باشا
چوخ چتیندور بو یولی سنسیز علی ویرسون باشا
سن وفا کاشانه سینده، مشعل امیدیدون
شمسه کاخ ولایه پرتو جاویدیدون
چرخ عصمته فروزان زهره و ناهیدیدون
نولدی باتدون؟ تیره اولدی آسمان زندگی
ظلمتیله دولدی سرتاسر جهان زندگی
دل هنوز احساس ایدور تاثیر سوز آهوی
گوز گورور طوفان اندوه دل آگاهوی
اوندا که یاندیردی دشمن ظلمله درگاهوی
بو یانار اود قلبوی یاندیردی، یاندون آغلادون
آغلادون اما علی قلبنده غمدن داغلادون
شاعر : مرحوم عابد
!!! کپی بدون ذکر نام کانال مدح و مرثیه حرام است !!!
👉 https://sarmashg.ir/mag/?p=25776 🌐
————————
#⃣ #متن_نوحه
🔘 🔗 دیدن متن کامل
- ۹۸/۰۶/۰۴