--------------------
نوکر حضرت امام حسین (ع) ۴۸
متن نوحه —-> نوکر حضرت امام حسین (ع) ۴۸
نوکر حضرت امام حسین (علیه السلام)
بیر عمریدی من عاشق دربار حسینم
فخریم بودی عالمده عزادار حسینم
نه جنته نه قصره نه حوره هوسیم وار
عالمده فقط عاشق رخسار حسینم
زاهد داخی صبر ایله، که کوثر سنون اولسون
کوثر ندی من تشنه دیدار حسینم
دنیا ائلیوب هر کسی بیر نوع گرفتار
منده بو تمناده گرفتار حسینم
دنیا هامی لقمان اولا بو دردیمه هیهات
درمان اولا ،چون دهرده بیمار حسینم
من رند خراباتیه ، میخانه نه لازم
تا عاکف خمخانه اسرار حسینم
خمخانه نی ایچسم منه تاثیر ائلمز چون
مخمور می ساغر گلنار حسینم
هر کیم نه دئییر قوی دئسون آنجاق بونی بیلسون
من نوکر اصحاب وفادار حسینم
واله قالوب افکارینه افکار عمومی
تک من دگیلم واله افکار حسینم
ئولسمده عقیدم بودی باش ظالمه اگمم
چون معتقد مکتب ایثار حسینم
بیرچال تیکانام گل دگولم ، لیک شرفدن
هم مشرب سرو و گل گلزار حسینم
بیر عمر حسینون یئموشم دوز چورگیندن
کسمز نظرین واقف کردار حسینم
ایلر منه بو فخر ایکی دنیاده کفایت
من خادم دربار علمدار حسینم
قالماز داها نسگیل اورگیمده بو جهاندا
گورسم من بیچاره ده زوار حسینم
شب خیز بو عالمده سلیمان اگر اولسام
واضحدی گینه بنده دربار حسینم
شاعر: مرحوم عباس شب خیز
!!! لطفا با نام کانال مدح و مرثیه کپی کنید !!!
👉 https://sarmashg.ir/mag/?p=25779 🌐
————————
#⃣ #متن_نوحه
🔘 🔗 دیدن متن کامل
- ۹۸/۰۶/۰۴