--------------------
زبانحال حضرت زینب کبری (س) بعد از شهادت حضرت زهرا (س) ۶۸
متن نوحه —-> زبانحال حضرت زینب کبری (س) بعد از شهادت حضرت زهرا (س) ۶۸
زبانحال حضرت زینب (سلام الله)
بعد از شهادت حضرت زهرا (سلام الله)
اولوب بتول، قالوب اهل بیتی زار و فکار
گوروب آنا یرینی بوش دیردی زینب زار
گرک سپهره چخا زینبین فغانی آنا
جهانی دولدورا فریاد و اَلاَمانی آنا
آنا دیر یانار آغلار، فغانی عرشه چخار
یانان دله سو سپر، چشم خونفشانی وار آنا
آتا آنا یری ویرمز اگرچه واردی آتام
آنا اولور قیزین عالمده همزبانی آنا
گوروبدی کیم آناسیز قیزلارین یوزی گُلسون
کیمه گلور آناسیز قیزلارین گمانی آنا؟
آنا دیوب یانارام کیمسه حالیمه یانماز
شرار آهیمیله اودلارام جهانی آنا
باخوب سنون دولانان یرلریوی بوش گورّم
اوجالدورام فلکه نی کیمی نوانی آنا
سالوب یانان قاپیوی یاده، دلدن اودلانّام
چوخ آغلادور او مصیبت بو بینوانی آنا
سینوبدی قوش کیمی بالون، بالان شهید اولدی
جفائیله قاپیوی یاندوراندا ثانی آنا
نجه چخار بو یادیمدان که قنفذین ستمی
بهشت عدنیده آغلاتدی مصطفانی آنا
او قدر قولّاریوا تازیانه ووردی سنون
اُلنده ده واریدی جسمیده نشانی آنا
بو بخت قاره سنه غملرونده نائبه دور
معاینه گورورم دشت کربلانی آنا
یانوب سنون قاپون، اوردا منیمده خیمه لریم
یانار او چولده، حسینون آخاندا قانی آنا
یاناندا خیمه لریم معجریم اولور غارت
او حالتیم گتورر شوره انبیانی آنا
ایدر او چولده مخالف حجازیانی اسیر
فغان و ناله دوتار دشت نینوانی آنا
سالار حسینی حصاره او چولده اهل عراق
توکلّه خون خداوند لامکانی آنا
آلوبدی شوق زیارت قراریمی الدن
سن ایسته تا آچا حق راه کربلانی آنا
شاعر: مرحوم حسینی سعدی زمان
!!! کپی بدون ذکر نام کانال مدح و مرثیه حرام است !!!
👉 https://sarmashg.ir/mag/?p=25760 🌐
————————
#⃣ #متن_نوحه
🔘 🔗 دیدن متن کامل
- ۹۸/۰۶/۰۴