--------------------
زبانحال حضرت علی (ع) به حضرت محمد (ص) هنگام دفن حضرت زهرا (س) ۶۶
متن نوحه —-> زبانحال حضرت علی (ع) به حضرت محمد (ص) هنگام دفن حضرت زهرا (س) ۶۶
زبانحال امیرالمومنین حضرت علی (علیه السلام)
به حضرت رسول اکرم (صلی الله) هنگام دفن حضرت زهرا (سلام الله)
بو سنون امانتون منه ای نبیّ رحمت
آل امانتون باغیشلا گتورنمدیم سلامت
منه تاپشوران زماندا ، قدی سرویدی جهاندا
قاپوسی ولی یاناندا بوکولوبدی سرو قامت
دئدون ایلینده رحمت که بو امّتون اشرّی
ائدجاق مقام قدس جبروته بیر تجرّی
که فغان و داد زهرا دوتاجاقدی بحر و برّی
سیناجاقدی ظلم الیله دُر مخزن رسالت
منه سن ئولن زماندا دئدوقون کلام قاطع
بو امانتی حفاظت ائدم اولدی سدّ و مانع
قلیجیم اگر ئولیدی او تعدّیاته دافع
نه قالاردی نام قرآن نه اوامر شریعت
نجه سقط اولوب جنینی نجه محسن اولدی ضایع
اولوری بیان حاله منه شرم و حجب مانع
خبر آل اوزی دئسون تا نه قضیّه اولدی واقع
که شکست اولوبدی پهلو بدنی تاپوب جراحت
دئمسه سن ایله وادار اولا تا قضیّه شایع
دئیه اولدی پشت درده نه قضیّه نه وقایع
بو جوانه نی قوجالدیب او حوادث و فجایع
ائله امّتون ائدوبدور بو امانته خیانت
دئیه بولمورم بتوله یتوشوب نه صدمه واضح
که غروبه تئز یتوشدی بو شرفلی نجم لایح
توکولیدی گر ایشیقلی گونوز اوسته اول سوانح
دولانوب اولوردی گوندوز شب تار و لیل ظلمت
بولوسن حفاظتینده منیم اولمیوب قصوریم
متأسّفانه اوردا واریدی منیم حضوریم
دگلم مجاز جنگه بولوب امّت شروریم
قاپوما وروبلا آتش آلیشوبدی باب رحمت
اوجالوبدی دود آتش گتوروب منی نوایه
بو اودون شراره سیندن بیری دوشسه کربلایه
ورولان زمان حسینون یارالی باشی جدایه
یاناجاق حرم خیامی آچاجاقلا دست غارت
بولوسن شها حسینی ائدور آتمیش ائیلدی خدمت
بودور آرزوسی ائتسون گینه قبریوی زیارت
اولا بلکه اول زیارت منه مایه سعادت
گئچه حق خطالریندن ائده سن اوزون شفاعت
شاعر : مرحوم حسینی…
👉 https://sarmashg.ir/mag/?p=25761 🌐
————————
#⃣ #متن_نوحه
🔘 🔗 دیدن متن کامل
- ۹۸/۰۶/۰۴