--------------------
اتمام حجت حضرت امام حسین (ع) ۴۹۹۱
متن نوحه —-> اتمام حجت حضرت امام حسین (ع) ۴۹۹۱
اتمام حجت حضرت امام حسین (علیه السلام)
چون گوردیله بوچولده ویروب یوز بلامنه
بیگانه اولدی هرکیم اولا آشنا منه
دنیا محبتیلّه گلنر داغیلدیلار
رحم ایتمویوب بوطایفهُ بی حیا منه
دنیا طلبده یوخدی بو دنیایه اعتبار
بسدوز اگر تاپولسا بیراهل ولا منه
قسمت دگل مدینیه گتماخ بیقین بیزه
جدیم دیوبدی مسکن اولور کربلا منه
من هیچ کمین اعانتینه تیکه ایتمرم
بسدور توکّل ایلمقا بیر خدا منه
من چکمرم زمانه ده نامرد منّتین
مردانه قارداشیم اوزین ایلر فدا منه
هرچند اولماسا قاباقمدا قلج ووران
بسدور بو ذولفقارشه لافتی منه
هرقدر مشکلیم اولا مشکلده قالمارام
بسدور نجف چولونده کی مشکل گشا منه
دشمن ایچینده گرچه کمکسیز گوررمنی
ایلر رقیّه زلفی الینده دُعا منه
قرآن اگربس اولماسا اتمام حجّته
اکبر کیمی وارآینهً مصطفی منه
سندیر سالار بو آینه نی قطعه قطعه گر
هر ذرّه سی بیرآینه دوز حق نما منه
من که شهادتین گویونون آفتابیم
زیبنده دُور اَلیمده ایشیقلی سُها منه
اصغر کیمی ایشیقلی گوزل بیر ستاره نی
بوگونده اُتری مرحمت ایلوب خدا منه
آق رنگینی ساراتسا عطش شیرخواره مین
قرمزبویار قانیله خدنگ جفا منه
من که نجات عالم امکانه باعثم
لازمدی اهل عالمه اولسون فدا منه
ظاهرده چوخدی دشمنیم آزدی کمک لریم
لشگردی باطناً هامی ارض وسما منه
امرایلسَم بولشگری یر خَسف ایدر تمام
ایلر تمام گوگلری کلا هَبامنه
من ایستَمَم بوقدر تیمین استفاده سین
منظور دور مشیّت اَمر قضامنه
حتّی که اذن جنگ ابُوالفضله ویرمدیم
قربان گرگ اولا او قتیل العدا منه
باش قویمارام نقدر وارام نازبالشه
خاکستر تنور اولاجاق مُتَکّا منه
کوه منا فدالریمه لایق اولمادی
گتدیم بو کربلا چولی اولسون منا منه
قالوبلار صحیفه سینه یازمیشام اوزوم
من کربلایه منتظرم کربلا منه
من یاتماسام بو دشت غم افزاده کیم یاتار
مدفن یازیلمیوبدی بویردن سوا منه
بوردا قراراولوب تاپالار شیعه لر منی
باهم بیر…
👉 https://sarmashg.ir/mag/?p=20782 🌐
————————
#⃣ #متن_نوحه
🔘 🔗 دیدن متن کامل
- ۹۸/۰۶/۰۵