--------------------
زبانحال حضرت امام حسین (ع) در بالین حضرت قاسم (ع) ۴۹۸۹
متن نوحه —-> زبانحال حضرت امام حسین (ع) در بالین حضرت قاسم (ع) ۴۹۸۹
زبانحال حضرت امام حسین (علیه السلام)
در بالین حضرت قاسم (علیه السلام)
گوزون آچ ای دیزیمون طاقتی قاسم گوزون آچ
عموون چوخدی بو گون محنتی قاسم گوزون آچ
قان دوتوب گوزلریوی بسکه باشوندان سوزولوب
تللرونده دیه سن شدّهء مرجان سوزولوب
نیلیوم یوخدور علاجیم الیم ائلدن اوزولوب
توپراقا قویما گوزل صورتی قاسم گوزون آچ
گلسه میدانه بی بون زینب کبری نه دیوم
خیمیه حمل ایلیوب جسموی آیا نه دیوم
خبر آلسا سنی مندن آنان امّا نه دیوم
گوز تیکوبدی یولا بو مدّتی قاسم گوزون آچ
دور گیداخ خیمه لره سینه لری داغلیالار
باشوین یاره سینی عمّه لرون باغلیالار
تا دویونجا سنه بیر اوخشیالار آغلیالار
اولاجاقدی هامونون صحبتی قاسم گوزون آچ
وورولان جسموه ناحق بو قدر اوخدی بالا
ناز ایدورسن منه یا اینکه یاران چوخدی بالا
من آتایم سنه فکر ایتمه آتان یوخدی بالا
غصّه سی دلده آتا رحلتی قاسم گوزون آچ
بولوسن چوخدی بو صحرای بلاده محنیم
سنه باخدوقجا دوشور یادیمه هر بیر ئولنیم
آدی قاسم ولی معناده امام حسنیم
قارداشیم تک قولومون قوّتی قاسم گوزون آچ
بو کیچیک سنّیله سن غم گونی یولداشیمدون
عزّت و شوکت اولاد بنی هاشمیدون
جان ویرن زهریله یثربده کی قارداشیمدون
عموون خمدور اودور قامتی قاسم گوزون آچ
قویمادیم من سنی بیر لحظه مکدّر اولاسان
قارداشیم اوغلی منه غم گونی یاور اولاسان
اکبریم گیتدی الیمدن منه اکبر اولاسان
عموسون درده سالان فرقتی قاسم گوزون آچ
من دیردیم آناوی غصه دن آزاد ایدرم
اولی بیر گون آتاوین روحینی تا شاد ایدرم
دوتارام طوی سنه اعزازیله داماد ایدرم
ای قالان قلبده بو حسرتی قاسم گوزون آچ
یارالی باشی گوتوردی شه آلیب سینه سینه
باسدی آغوشینه نعشین یتوروب خیمه سینه
قاسمی گتدیله سس یتدی خانم عمّه سینه
سسلدی ای اورگیم طاقتی قاسم گوزون آچ…
👉 https://sarmashg.ir/mag/?p=20784 🌐
————————
#⃣ #متن_نوحه
🔘 🔗 دیدن متن کامل
- ۹۸/۰۶/۰۵