--------------------
مدح حضرت اباعبدالله (ع) در دیر راهب ۴۹۵۷
متن نوحه —-> مدح حضرت اباعبدالله (ع) در دیر راهب ۴۹۵۷
چند بندی از مدح حضرت امام حسین (علیه السلام)
در دیر راهب
مقامات ولی معلومدور اسرار مبهم دور
مراتبده ولی الله معظم دور مکرم دور
بابام مولی علیدور که ولی الله اعظم دور
رکین بیر رکن عالمدور اونا شیدا منم راهب
علی راکع علی ساجد علی مشکات لامع دور
وجودی مظهرمجموعه ی اوصاف صانع دور
وجود واجبه عالمده بیر برهان قاصع دور
علی قرآن ناطقدور اونا همتا منم راهب
علی شهر علوم احمده باب معلادور
فتوتده مروتده حبیب اللهه همتادور
مقام انبیادن صدهزاران رتبه بالادور
بابام تک عشقیده عاشقلره مولامنم راهب
بابامدورفاتح خیبر بابام حیدری صفدردی
بابام نفس رسول الله دور ساقی کوثردی
بو فخر بسدی عالمده آنام زهرایه همسردور
علاوه روح احمد بضعه ی زهرا منم راهب
آنام راضیه زهرادور وجودی رمز عصمتدور
نبوغ حقی واردور منبع انهار رحمتدور
صفای رمز هستی دور اؤزی دریای عفتدور
او بحر عفته بیر لؤلؤ لالا منم راهب
آنام زهرا نجوم و ماه و مهره عالی محوردور
کتاب اللهیده زهرا آنام معنای کوثردور
علی المرتضایه عالم امکاندا همسردور
که نهر کوثره تخمیری صهبا منم راهب
اگرچه خانه میز انواردن طور سنین اولدی
ولیکن اهل خانه ظلملردن دل غمین اولدی
بابام بعداز پیمبر ظلمیله خانه نشین اولدی
تمام ظلم ظلامه بهین طغرا منم راهب
همین اشرار دون حمله گتوردی باب طاهایه
ووروبلار اود در شاهنشه ملک بلایایه
سالوب دیوار و در ، مسمار در زهرانی ایذایه
خیال شعله سیندن سینه آتش زا منم راهب
شاعر : استاد شبگیر تبریزی
!!! لطفا با نام کانال مدح و مرثیه کپی کنید !!!
👉 https://sarmashg.ir/mag/?p=20816 🌐
————————
#⃣ #متن_نوحه
🔘 🔗 دیدن متن کامل
- ۹۸/۰۶/۰۵