--------------------
حضرت امام حسین (ع) ۴۴۹۲
متن نوحه —-> حضرت امام حسین (ع) ۴۴۹۲
حضرت امام حسین (علیه السلام)
پاک اورکلرده آدون مهر تولادی حسین
جذبهٔ عشقون عجب آیت عظمادی حسین
نسب و سلسله وه فخر ایلیر روح الامین
خلف حیدر ، آنون حضرت زهرادی حسین
حق نما شمع سن عالم سنه پروانه آقا
شعلهٔ عشقیوه جان واله و شیدادی حسین
بذل و احسانیوه حیرتده قالیب حاتم لر
کرمون سائلیوه موجیلی دریادی حسین
نینیرم باغ بهشتی ، ایکی دنیاده منه
آلتی گوشه حرمون جنت العلادی حسین
قبریوه چاتسا الیم کعبه دن افضلدی منه
موسیی قلبیمه چون وادی سینادی حسین
یوز دوتوب‌کعبیه‌مین‌ایل قالاکیم غرق نیاز
سنه بیگانه اولا، حشریده رسوادی حسین
لوح عشاقیوه آد یازسالا اول دیه رم
زینبونن قاباق عاشق، حق یکتادی حسین
وئرمه‌دون‌بیعت‌الین‌ظالیمه‌کسدی باشیوی
عاجزم وصفیوه آخر بو نه سؤدادی حسین
حقلیدی خنجر کین ایشلمیه حنجریوه
چون بوغازونن ئوپن زینب کبرادی حسین
نیزه نی منبر ائدیب آیه‌ی کهفی اوخودون
لحن قرآنیوه حیران دم عیسادی حسین
سن‌کیمی شاهه یاراشمیر منی نوکر دیه‌لر
قاپیوون نوکر شایسته‌سی سقادی حسین
شاعر : ناجی هشترودی
منبع : گروه مجمع شعرا و مادحین
👉 https://sarmashg.ir/mag/?p=21280 🌐
————————
#⃣ #متن_نوحه
🔘 🔗 دیدن متن کامل
- ۹۸/۰۶/۰۶