--------------------
در مدح و میلاد حضرت امام زمان (عج) ۴۴۷۶
متن نوحه —-> در مدح و میلاد حضرت امام زمان (عج) ۴۴۷۶
در مدح و میلاد حضرت امام زمان (عج)
ای بت عالمیان شاهد پاکیزه سرشت
آناسی نرگس جنت ئوزی طاووس بهشت
ای کمان ابرو،زینت مینو
گل گُل مولا، سنه قربان
ای که بیر مرحــمتون دولت دارایه ده یر
دلبرا گول باخشون هر ایکی دنیایه ده یر
ما سوا شاهی ،فاطمه ماهی
گل گُل مولا ، سنه قربان
سنه دوزدی یاراشـــــور عالمه ناز ائیلی یه سن
بیر باخیش خوشدی که درویشه نیاز ائیلی یه سن
نازلی یاریمسان،شهریاریم سان
گل گُل مولا ، سنه قربان
سویورم من او گوزی عاشق رخسارون اولا
منه بیر گوز کـــرم ایت قابل دیدارون اولا
یار زیبنده،وار گوزیم سنده
گل گُل مولا ، سنه قربان
من سنی گورمه میش هر یئرده دعا ائیلمیشم
گئجه گوندوز آدون عشقیله صفا ائیلمیشم
ای آدی یادیم،عشقی هر زادیم
گل گُل مولا ، سنه قربان
قسمتیم اولسا اگر من سنی دنیاده گورم
خوشدی مولا بالاسی مرقد مولاده گورم
جان مولاسن،عشق زهراسن
گل گُل مولا ، سنه قربان
گرچه آدوون یادی هر درد اولا درمان ائلر
گل که گلماخلیقون هر مشکلی آسان ائلر
یار چاتار یاره،درد اولار چاره
گل گُل مولا ، سنه قربان
سن اگر اولسان آرامیزدا، بو هجران اولماز
آچیلار شیعه لرین قلبی داخی قان اولماز
نگران گوزلر،یولووی گوزلر
گل گُل مولا ، سنه قربان
ایسته سن غم یئمی یم هیچ دئمی یم غصه دن آخ
او طبیبانه باخان گوزلریلــــــه “ساکته” باخ
من بیــماری،قیل اوزن یاری
گَل گُل مولا ، سنه قربان
شاعر: “هویدا” تبریزی
منبع : گروه مجمع شعرا و مادحین
👉 https://sarmashg.ir/mag/?p=21296 🌐
————————
#⃣ #متن_نوحه
🔘 🔗 دیدن متن کامل
- ۹۸/۰۶/۰۶