--------------------
زبانحال حضرت امّ البنین (س) ۴۰۰۶
متن نوحه —-> زبانحال حضرت امّ البنین (س) ۴۰۰۶
زبانحال حضرت امّ البنین (سلام الله)
سبک : باشدان هله سو فکرین آت
عرشه اوجالوبدی نالم
غملرمنه اولدی همدم
دوت اوغلون آناسی ئولسه
کیم ساخلار اونا بس ماتم
ام بنین بی بنینم
بالالاریم ئولوب حزینم
اوغولسوزام غمه قرینم
غموزده گلمیشم نوایه
آناز ئولور گَلون هرایه
لطف ایتدی شه ولایت
گلدیم بو ایوه با عزّت
زهرانین اوشاقلارینا
فخریله من ایتدیم خدمت
نچّه رشید اوغلان جهاندا
ویردی منه خلّاق یکتا
اولسون غلام آل زهرا
غموزده گلمیشم نوایه
آناز ئولور گَلون هرایه
عاشور بلاده گویا
محشر ایلیوبلر برپا
دوت اوغلومی دینه خاطر
قانه بَلییبدی اعدا
سیز باخمیون بو شور و شینه
اوغلانلاریم فدا حسینه
فدا حسینِ نور عینه
غموزده گلمیشم نوایه
آناز ئولور گَلون هرایه
سیزدن دانیشاندا زینب
گوندوز اولوری تیره شب
سویلور آناجان عبّاسون
یاندی سووا وورمادی لب
زحمتلرون هدر اولوبدی
سو مشکی قانیله دولوبدی
گُل پیکرون غمدن سولوبدی
غموزده گلمیشم نوایه
آناز ئولور گَلون هرایه
من دویمامیشام نوادن
اندوهِ غم و بلادن
زینب ولی بیر سوز دییور
نوفل ایلین خطادن
عمودیله ووروب باشیندان
سوزولدی قان اودم قاشیندان
سنی آیردی قارداشیندان
غموزده گلمیشم نوایه
آناز ئولور گَلون هرایه
ای سَروِ ز پا افتاده
(بیکَسدی)آنان گَل داده
اوغلون دولاناندا ایوده
هامّی گلوری فریاده
من آغلورام آغلور بالاندا
یاشیل عَلَم اله آلاندا
سو مشکی چگنینه سالاندا
غموزده گلمیشم نوایه
آناز ئولور گَلون هرایه
شاعر : کربلایی مهدی عبادی
!!! لطفا با نام کانال کنزُ الشُّعَراء کپی کنید !!!
👉 https://sarmashg.ir/mag/?p=21769 🌐
————————
#⃣ #متن_نوحه
🔘 🔗 دیدن متن کامل
- ۹۸/۰۶/۰۷