--------------------
زبانحال به حضرت زهرا (س) ۴۰۰۲
متن نوحه —-> زبانحال به حضرت زهرا (س) ۴۰۰۲
زبانحال به حضرت زهرا (سلام الله)
الهی یانمیوم نجه شرار محنت و غمه
منیم آنام جوان اولوب مدینه باتدی ماتمه
(( سنی چوخ ووروبلا یات آی ننه
سنه قربانام یارالان ننه))
منیم بهار آرزوم اولوب خزان مدینه ده
اوجالدی توستی گوگلره توکولدی قان مدینه ده
دیوللّر اولدی میخ در بلای جان مدینه ده
بو غمده قاره چکدیلر ملک لر عرش اعظمه
منیم آنام دفاع ائدوب ولایت نگاریدن
بابام علی وفا گوروب او یار باوقاریدن
نه لر چکوب آز عمریده بو غملی روزگاریدن
اولاردی سو،یاغیدی گر بو غم جبال محکمه
الهی شاهد اول منیم آناما سیلی ووردولار
گلنده غملی کوچه دن یولونون اوسته دوردولار
قباله اوسته مادر حسن حسینی یوردولار
شهیده گئتدی دهریدن او بانوی مکرّمه
منیم آنام غریبیدی مریضلره طبیبیدی
چکردی دورت گولون نازین وفالی عندلیبیدی
ملک لره عزیزیدی ئورکلره حبیبیدی
حبیبۀ خدا گئدوب قوناق رسول اکرمه
پس از پیمبر ارثینی عداوت اهلی بؤلدولر
ملال آل هاشمه بنی امیّه گولدولر
الهی اوچ یوز اجنبی بیزیم ائوه توکولدولر
ووروبلار آتش ستم حریم یار محرمه
الهی شاهد اول عدو آنامی الدن آلدیلار
اوشاقلیق عالمی منیم باشیما قاره سالدیلار
نه تک آنام که شیعه لر قاپی دالندا قالدیلار
قیامته کیمی وورار بو اود شراره عالمه
هانی او مهربان آنام منه عزیز جان آنام
هایاندا منزل ایلیوب او قبری بی نشان آنام
الهی رحم ائله منه یارالیدی جوان آنام
نه تاپدی دردینه دوا نه چاتدی سینه مرهمه
شاعر : استاد کلامی زنجانی
!!! لطفا با نام کانال کنزُ الشُّعَراء کپی کنید !!!
👉 https://sarmashg.ir/mag/?p=21773 🌐
————————
#⃣ #متن_نوحه
🔘 🔗 دیدن متن کامل
- ۹۸/۰۶/۰۷