--------------------
زبانحال به حضرت زهرا (س) ۴۰۰۰
متن نوحه —-> زبانحال به حضرت زهرا (س) ۴۰۰۰
زبانحال به حضرت زهرا (سلام الله)
کنار ایت مردمکدن سایه مژکانی یا زهرا
گوزومده روشن ایله نیر تابانی یا زهرا
زجاج چشمون آیات الهی جلوه سین آلمیش
گوز آچ گورسون گوزوم بو صفحه ده قرآنی یا زهرا
پیمبر گوزلرون ایلر تداعی گردش چشمون
گوز آچ ایله محقق گوزده بو عنوانی یا زهرا
فلق نورون سحاب تیره گویا ایلیوب پنهان
که روشن ایلمور نور سحر دنیانی یا زهرا
گلستان کرامت عبهری تا نظره دن قالمیش
ایدوب پژمرده محنت سوسن و مینانی یا زهرا
گوز آچ بیرده گوروه بلکه گوزوم موج نگاهوندا
صفای جانفزای طلعت جانانی یا زهرا
بو ناهنگام یاتماق ایلوری تشویشمی افزون
ایدور تلقین خیاله اوزگه بیر معنانی یا زهرا
غم هجراندن ایلور حکایت حالون اولده
دیر قلبیم ندور بو اولین پایانی یا زهرا
تمامه یتمین هجران خیالیمدن خطور ایلر
ئولوم شاید ویره پایانه بو هجرانی یا زهرا
خط رنگین کمان ترسیم اولوب گلبرگ سوری ده
خزان سوزی پوزوب یا حالت زیحانی یا زهرا
آخیر بی اختیار اشکیم عذاره آتش دلدن
خیال ایتدوقجا جور و کینه اعدانی یا زهرا
دانیش بیر کلمه بیرده منله خاموش ایت اورک سوزون
مداوا ایله دلده درد بی درمانی یا زهرا
نولور بیرده گله رفتاره بو سرو قد موزون
بولورسن یوخدی سنسیز بو ائوین سامانی یا زهرا
شاعر : مرحوم عابد تبریزی
!!! لطفا با نام کانال کنزُ الشُّعَراء کپی کنید !!!
👉 https://sarmashg.ir/mag/?p=21775 🌐
————————
#⃣ #متن_نوحه
🔘 🔗 دیدن متن کامل
- ۹۸/۰۶/۰۷