--------------------
زبانحال حضرت زینب کبری (س) در اربعین ۲۱۲
متن نوحه —-> زبانحال حضرت زینب کبری (س) در اربعین ۲۱۲
اربعین حسینی
شاماتی گزوب دیده خونباریله گلدیم
قبر اوسته گلن دسته زواریله گلدیم
عالملری حیرتده قویوب پایه صبرون
زینب سنه قربان نیه شش گوشه دی قبرون
اول علی اکبر قانینی قانوه قاتدون
باشسیز بدنون صونرا باسوب باغریوا یاتدون
بو یاتماقیلا بیرق اسلامی اوجاتدون
طوبی آغاجندان آسیلان خوشه دی بو قبر
بولدوم باجون السون نیه شش گوشه دی بو قبر
هر چند گل یاس قویولموش اطاقوندا
بیر گلبن نوخیزده واردور قوجاقیندا
قرمزی شکوفه آچیلوبدور بوداقیندا
قبرونده نهالان بهشتی گل آچوبدور
آرتوق دیمورم اصغروون رنگی قاچوبدور
باشون بدنون معجزه شام و دمشقون
گوستروردی اخا پختگی شیوه مشقون
اما نه بیوک معجزه دور وحدت عشقون
بو قبره ایکی نور گرانمایه دوشوبدور
شاخه ایکی اما یره بیر سایه دوشوبدور
بو مرقده وار حسرتی جنات نعیمون
جنت باغنا درس وفا ویردی حریمون
خوش حالیوه خوش صحبت و خوش خودی ندیمون
باس باغریوا جانانوی زیبادی جواندور
عالم گوره بو قبرده گلخانه جاندور
قیرخوندی عیالمون هامی قبر اوسته گلوردی
غم خسته سی بیر دسته برجسته گلوردی
بو دسته حسینی لره وابسته گلوردی
منده قاریشوب اونلارا قبر اوستنه گلدیم
امیدیمی هر یردن اوزوب بیر سنه گلدیم
ایکاش الوب تپراق اولوب مدفن اولیدیم
پیراهن گل تک سنه پیراهن اولیدیم
بیر سن بو مزار ایچره اولوب بیر من اولیدیم
اول سر ژگانیله بیر قبر قازیدیم
باش داشنه تاریخ ره شامی یازیدیم
ای قبر مطهر نه عجب روح فزاسن
شمع شب وصل و نفس صبح صفاسن
غرق عرق پیکر شاه شهداسن
ای عود غم آلود یانان عطروه قربان
ای صفحه قرآن یازیلان سطروه قربان
ای سایه حق لطف خدا کعبه آمال
ای قوت دل راحت جان شاهد اقبال
ای کان کرم یات قوری تپراقده خوشحال
یاتمش سان اگر صورت ظاهر قوری یرده
غم یوخ که یاتار گنج و جواهر قوری یرده
روحون…
👉 https://sarmashg.ir/mag/?p=25603 🌐
————————
#⃣ #متن_نوحه
@sarmashg_channel
🔘
🔗 دیدن متن کاملمشاهده مطلب در کانال
