--------------------
احوالات حضرت موسی بن جعفر (ع) ۴۴۵
متن نوحه —-> احوالات حضرت موسی بن جعفر (ع) ۴۴۵
باب الحوائج حضرت موسی ابن جعفر (علیه السلام)
بزم غم برپا اولوبدور عالم امکانیده
حضرت موسی بن جعفر جان ویروب زندانیده
شیعه نین لازمدی سیل اشکی، موج ایلوب داشا
بو غریبین محنتی ایلر اثر محکم داشا
ویردی زندان گوشه سینده اوز عزیز عمرین باشا
اولمیوب اولماز بیله مظلوم اولان دورانیده
رشته ی نظمه یقین گَلمز غمی تقریریله
اون بیر اولدی مصاحب حلقه ی زنجیریله
هر گئجه صبحی تاپاردی ناله ی شبگیریله
کیم گوروب بیله جفایه صبر بیر انسانیده
بس که زنداندا ضعیف اولموشدی جسم اطهری
بام زندانه چخاردان وقتیده اول سروری
یِل دگنده صاق صولا گُل تک اَسَردی پیکری
عرض ایدردی دورموشام یارب ازل پیمانیده
باش قویان وقته سجوده گر باخِیدی بیر نفر
کهنه بیر جامه گورردی هرچه ایلردی نظر
مطلقاً تشخیص ویرمزدی لباس ایچره بشر
جسمی بیر تشریح محض اولموشدی چون زندانیده
عاقبت مسموم اولوبدور گردش تقدیریله
مجلسه احضار ایدوب هارون دون تزویریله
پرده چکدی ایستدی اوز فعلینه تدبیریله
بیر حکیمه آندیروب حالین او شه اول آنیده
غیظه گَلدی بس که رسوا اولدی هارون ظلوم
جدّیوه یاصاحب الاَسلام ایدوب بیر ظلم او شوم
گلشن پیغمبره معناده اَسدیردی سموم
اطمه آق ساچلارین آلدی اَله رضوانیده
گوز یاشیم آخمور یوزه بی فاصله اوز باشینه
ایتمدی هارون ترحّم اول شهین گوز یاشینه
بیر بلا گَتدی او کین گُستر امامین باشینه
یوخ ویرن مثلین نشان بو عالم ویرانیده
مجلسین اهلی داغیلدی گیتدی جمله ساکنان
غیظیله سند ابن شامک دوردی یردن اول زمان
ووردی بیر سیلی امامه آه یا صاحب زمان
اوزگه بیر حالت گوروندی حجّت سبحانیده
تازه دن عودت ویرولدی محبسه شاه زمن
ویردی زندان گوشه سینده جان امام ممتحن
اوچ گئجه گوندوز وجودی قالدی یرده بی کفن
عین عزّتدور بو ذلّت محضر جانانیده
هر قَدَر ایتدی جفا هارون اگرچه دویمادی
گون قاباقینده ولیکن جسمین عریان…
👉 https://sarmashg.ir/mag/?p=25383 🌐
————————
#⃣ #متن_نوحه
🔘 🔗 دیدن متن کامل